من حسنى مبارك الى شعب مصر

السلام عليكم ورحمه الله وبركاتة

من حسني مبارك .. إلى شعب مصر

للشاعر الكبير أحمد فؤاد نجم


ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

هههههههههههههههههههههههههههههههههههههههههههههههههههههههههههههههه

اول مرة اضحك من كل قلبي

تسلم يدك حبيبي على الموضوع

السلام عليكم ورحمه الله وبركاتة


دوم هالضحكة حبيبى ... ربى يسعد ايامك على طول

ان كانت القصيدة تعبر عن واقع اليم يحيها اهل مصر فى ظل عهد ملئ بالفساد والظلم والقهر

ولكن كما يقولون .... شر البليلة ما يضحك

تسلم اخى امير العشاق على مرورك الكريم

ههههههههههههههههههههههههههههههههههههه



والله يبعد البلاء والهم عن اخوانا المصريين والمسلمين في كل مكان

ويفك كرب المسلمين يارب

تقبل مروري

ودمتم لنا ..

السلام عليكم ورحمه الله وبركاتة

اللهم امين ... الله الله على كل ظالم و جبار

الله الله على كل فاجر لا يرعى لله حق

الله الله على كل من يأذى المسلمين فى كل مكان


شرفنى مرورك سويت ... وارجو الا تحرمينى من ردودك